ქსელი და მისი კონცეფცია
თუ კი მომხმარებელმა დააკავშირა თავისი კომპიუტერი სხვა კომპიუტერთან, მას შეუძლია იმუშაოს მის მონაცემებთან და პროგრამებთან. გადაბმული (ერთმანეთთან დაკავშირებული) კომპიუტერების ჯგუფს და სხვა მოწყობილობებს ეწოდება ქსელი.
ქსელში შემავალ კომპიუტერებს შეუძლიათ გამოიყენონ: მონაცემები, შეტყობინებები, პრინტერები, ფაქსაპარატები, მოდემი და სხვა მოწყობილობები. ეს სია მუდმივად იზრდება და სრული ხდება, რადგანაც ჩნდება ახალი მოწყობილობები და საერთო რესურსების გამოყენების ახალი საშუალებები.
ყველაზე მარტივი ქსელი (Network) შედგება მინიმუმ ორი კომპიუტერისაგან, რომლებიც ერთმანეთთან დაკავშირებულია კავშირის არხით, ის მათ აძლევს საშუალებას გამოიყენონ საერთო მონაცემები. ყველა ქსელი (მიუხედავად სირთულისა) ეფუძნება კავშირის არხით დაკავშირების ამ მარტივ პრინციპს. თუმცა კომპიუტერების კავშირით არხის შეერთების იდეა არ წარმოადგენს განსაკუთრებულს, თავის დროს ის წარმოადგენდა მნიშვნელოვან მიღწევას კომუნიკაციის სფეროში.
კომპიუტერული ქსელების ძირითადი დანიშნულებაა რესურსების ერთობლივად გამოყენება და დროის რეალურ რეჟიმში მუდმივი კავშირი, როგორც ფირმის შიგნით, ასევე მის საზღვარებს გარეთ. რესურსები (Resources)- ესაა მონაცემები, დანართები და პერიფერიული მოწყობილობები, ისეთი, როგორიცაა გარე ასლგადამღები, საბეჭდი მოწყობილობა (პრინტერი), მოდემი ან სკანერი. დროის რეალურ რეჟიმში კავშირი გულისხმობს შეტყობინებების გაცვლის დროს.
|
